الحمار البري السوري

عرضنا في منشورات سابقة معلومات عن حيوانات تعيش في الطبيعة السورية, كان من بينها الدب البني ونسر الأفاعي, ولقد حوت القصص المروية أدلة على أن بعض أفراد تلك الحيوانات لا يزال في البرية في مكان ما على قيد الحياة, لكن حتوته اليوم تخبر بغير ذلك!

الحمار البري السوري

بزمناتو وقت كان في شي اسمه, عنجد, بادية سورية (بادية الشام)، كانت هالأرض معباية غزلان ومها عربي وغيرها من الحيوانات يللي ما ممكن تتوقعوها ومنها الفهد. وهالشي مو كتير قديم، يعني تقريباً من 100 سنة مو أكتر.
المهم يا شباب وصبايا، فات اختراع اسمه "السيارة" وقبلها اختراع اسمو
البنادق والأسلحة النارية الرخيصة. وإذا ضفنا لهالمكونين، مكون الجهل والطمع والسياسات الخاطئة، منعرف شلون تحولت البادية من أرض متنوعة وحلوة لصحراء شبه خالية.
البادية أرض شاسعة وأغلبها عبارة عن سهول ممتدة أو هضاب لطيفة, وبالتالي مالها طبيعة صعبة. وهالشي هو يللي خللا عملية الصيد ممتعة وسهلة بالنسبة للصيادين: بيطلعوا على السيارة وبيبلشو قواص بهالحيوانات.
طبعاً خلال فترة قصيرة: اختفت أنواع كتيرة. بس يللي ما منعرفو هو الحمار البري السوري!
الحمار البري السوري كان موجود بشكل أساسي بالبادية السورية, بس كمان موجود ببوادي وصحارى محيطة. آخر فرد مات بحديقة حيوان سنة 1927.. واختفى نهائياً بلا عودة.
علماء الكيان الصهيوني أخدو نوعين بريين شبيهين وزاوجوهون وفلتوهن بصحراء النقب, بس الحقيقة أنو النوع الموجود بصحراء النقب مو هو النوع الحقيقي!

عمر الفحام

المصدر:
هنا
Equus hemionus (Asian Wild Ass, Asiatic Wild Ass, Kulan)
www.iucnredlist.org
هنا
الصورة: Syrian_wild_ass

الدب البني: هنا
نسر الأفاعي: هنا
أبو منجل الأقرع الشمالي: هنا