سنعيد كتابة العلم بأبجدية عربية

  • الرئيسية
  • الفئات
  • الباحثون السوريون TV
  • من نحن
  • اتصل بنا
  • About Us
x
جارِ تحميل الفئات

ما الفرق بين معالجات 32 بت و 64 بت

المعلوماتية >>>> عام


تم حفظ حجم الخط المختار

كلياتنا لما نقرر نشتري لابتوب جديد بيمرؤ علينا مصطلح 64 بت او 32 بت . حتى وقت نقرر نعمل فرمتة او ننصب الويندز أول شي لازم نتأكد منو هو اذا كانت النسخة 64 بت او 32 بت . أغلبنا أكيد سأل حالو هالشي شو بيعني و كيف حيأثّر عأداء الجهاز. بمقال اليوم رح نشرحلكن أهم الفروقات بين هالنظامين , و نعطيكن نبذة عن مبدأ عملن.

قبل ما نفوت بتاريخ هالانظمة رح نشرحلكن مبدأ كل واحد مشان يصير عندكن فكرة بسيطة عن الفرق الجوهري.
في إطار الحديث عن أجهزة ال64 بت و ال32 بت ,الصيغة xx بت بتدل على عرض المسجل أو الريجيستر بالمعالج و كل ما زاد هالرقم كل ما كان أحسن. حيث ان الريجيستر هو مكان بالمعالج يتم فيه تخزين معلومات الوصول السريع التي يحتاجها المعالج مما يزيد من سرعة و فاعلية عمله. و من هنا أتت اهمية زيادة عرض المسجل حيث انو المسجل 64 بت يستطيع تحمل بيانات أكثر من المسجل ذو 32 بت و الذي بدوره ذو سعة أكبر من المسجل 16 بت و هكذا ...
هالشي بيلعب دور أساسي في تحديد حجم ذاكرة النظام. كمثال بسيط : إذا كان المعالج يعمل بنظام ال 32 بت فهذا يعني انه سيحتمل 2 مرفوع الى الاس 32 عنوانا في الذاكرة كحد اقصى , و هذا بدوره سيؤدي الى محدودية ذاكرة الرام او الوصول العشوائي ب 4 جيجا فقط . صحي ممكن تشوفوا الرقم ضخم مقارنة بأول ما نزل الكمبيوتر إلا انو حاليا هالسعة معد عم تقدر تلبي متطلباتنا المتزايدة.
بالرغم من انو نظام ال 64 بت حديث نسبيا ,إلا انو بحب خبركن انو هالنظام قديم كتير حيث انو كان مستخدم منذ عقود . أول حاسوب كان مزود بهالنظام هو Cray UNICOS و هو احد اوائل الحواسيب الخارقة. و حتى كان هاد النظام معتمد لالعاب النيتيندو و البلايستيشن 2 قبل ما يقارب خمس سنين من ما ينزل حاسوب شخصي بيدعم هالنظام. و مع تزايد مطالب المستخدمين العاديين قررت شركة ويندز ان تلبي متطلباتن بتنزيل احدث اصدار من ويندز فيستا يلي كان بيدعم نظام ال 64 بت الا انو هالنظام لم يلق رواجا بين المستخدمين و بعد تنزيل اصدار ويندوز7 يلي بيدعم 64 بت, ازدادت شهرة هذا النظام و اتسعت قاعدة مستخدميه. و بعد ويندوز بسنة قامت لينكس كمان بتنزيل اصدار يدعم نظام ال 64 بت . وتلاهن شركة ماك يلي بعد 5 سنين قررت تنزل اصدار الليوبارد الداعم لنظام ال64 بت .

هلق بعد ما تعرفنا شوي على تاريخ ال64 بت و عرفنا نظامنا شو بيدعم خلونا نشوف شو مزايا هالنظام :
أول شي الرامات معد محدودة ب 4 جيجا متل نظام ال 32 بت , فيزيائيّاً جهازك بيتحمل 17 بليون جيجا من الرامات بس للاسف بسبب قضايا الترخيص ما حنقدر نحصل عهالقدر من الرامات و لكن على أرض الواقع صار فيك تحصل على 16 جيجا من الرامات مع ويندز هوم ايديشن و اذا حدثتا لوندز بروفيشيونال او الالتيميت بتصير تقدر تحصل على 192 جيجا من الرامات !
تاني ميزة مهمة هي انو رح تزيد فاعلية الجهاز ,مو بس لان صار فينا نحط رامات اكتر بس لان صار في استخدام اكثر فاعلية للرام بسبب تطورات على طريقة عمل النظام بحيث انو ذاكرة النظام معد تنشغل بعمليات الانظمة الثانوية متل ( كرت الفيديو ).
الجهاز رح يقدر يخصص مكان اكبر من الذاكرة الفعلية لكل عملية. بنية ويندز 32 بت تستطيع تخصيص مساحة تقدر ب 2GB فقط لاجل اي تطبيق بينما العديد من الالعاب الحديثة والفيديو و برامج تعديل الصور كالفوتوشوب تتطلب سعة اكبر من التي توفرها انظمة 32 بت مما يقلل من فاعلية استخدام الجهاز. بينما انظمة ال64 بت نظريا تستطيع توفير مساحة تقدر ب 8TB و عليكم ملاحظة انها 8 تيرابايت و ليس جيجابايت الا انه و كما ذكرنا لن تستطيع فيزيائيا الحصول على اكثر من 192 جيجابايت من الرامات و هذا الفرق الشاسع ادى الى ذاكرة اكبر نسبيا تكفي لاداء حتى اقسى المهام و اكثرها استهلاكاً للذاكرة.
بالاضافة الى كل ما ذكر فإن انظمة ال64 بت توفر اكبر قدر من الحماية للجهاز والتي تفتقرها مثيلاتها من 32 بت حيث يتوفر فيها نظام حماية نواة النظام من اساءة الاستعمال .
هلق حكينا عن المزايا بس شو مشان المساوئ ؟
بالرغم من ان المساوئ قليلة و ان النظام يشهد تحسينات دورية , الا ان هنالك بعض المساوئ الجديرة بالذكر.
معظم البرامج في وقتنا الحالي تم تصميمها للعمل وفق نظام 32 بت لذلك لن تستفيد بشكل كبير من فعالية نظام 64 بت ولكن ستجد فرق ملحوظ في السرعة والفعالية عند استخدام نسخ ال64 بت التي يوفرها بعض المطورين مثل Photoshop 64 bit, بالاضافة الى ذلك قد تجد صعوبة عند محاولة تنصيب برامج التشغيل و خاصة للاجهزة القديمة حيث انك لن تجد نسخة قديمة تتوافق مع نظامك الحديث و كمثال , اذا كان لديك طابعة قديمة و حاولت تنصيبها على جهازك فلن يكون ذلك بالامكان. الا ان السوق حاليا يتطور سريعا نحو دعم انظمة ال64 بت.
احد المساوئ الاخرى هي ان لوحة الام في كثير من الاجهزة لا تستطيع تحمل ذاكرة اكبر من 4GB و بذلك تفتقد احد اهم مزايا هذا النظام و التي هي توسعة ذاكرة الوصول العشوائي او الرام.

هيك منكون ختمنا مقالنا و كل واحد جرب النظامين يحكيلنا شو الفرق يلي لاحظو او شو واجهتو مشاكل لنستفيد , شكرا .
-

Reference: هنا

مواضيع مرتبطة إضافية

المزيد >


شارك

تفاصيل

01-12-2013
4550

المساهمون في الإعداد

ترجمة: Aimi Marise
تعديل الصورة: ليث رستناوي
تدقيق علمي ونشر: Sulieman Al-Rustom

تابعنا على الإنستاغرام


من أعد المقال؟

Aimi Marise
ليث رستناوي
Sulieman Al-Rustom

مواضيع مرتبطة

نمذِج كما يقول لك حدسك… إنها لغة Picture الاحتمالية!

الحلقة الخامسة الشركات التي تبني السحاب!

خوارزمية لترتيب الجامعات بالاعتماد على ويكيبيديا

علوم الحاسب في مقابل هندسة البرمجيات

البرمجيات مفتوحة المصدر ج5: مقارنة بين البرمجيات مفتوحة المصدر

مبدأ عمل الـ Captcha

العمل على بناء روبوتات تحاكي دماغ الإنسان

نظام غير قابل للإختراق: هل هذا ممكن؟

سحابة المستشعرات الافتراضية - الجزء الثاني

أكثر 10 لغات برمجة شيوعاً في 2014

شركاؤنا

روابط مهمة

  • الشركاء التعليميون
  • حقوق الملكية
  • أسئلة مكررة
  • ميثاق الشرف
  • سياسة الكوكيز
  • شركاؤنا
  • دليل الشراكة
جميع الحقوق محفوظة لمبادرة "الباحثون السوريون" - 2022